Ռուսաստանն Ադրբեջանի տարածքով ևս 132 վագոն ցորեն կուղարկի Հայաստան

Ռուսական կողմի տվյալներով՝ Հայաստան է ուղարկվել ավելի քան 1000 տոննա ցորեն։

Ռուսաստանը մինչև 2026 թվականի հունվարի վերջ ևս 132 վագոն ցորեն կուղարկի Հայաստան Ադրբեջանի տարածքով անցնող նոր երկաթուղային ճանապարհով։ Այս մասին հայտարարել է ՌԴ տրանսպորտի նախարարությունը։

«Մինչև 2026 թվականի հունվարի վերջ նախատեսվում է այս երթուղով ուղարկել ևս 132 վագոն ցորեն։ Ուսումնասիրվում են նաև այլ տեսակի բեռների փոխադրումների հնարավորությունները», - ասվում է հայտարարության մեջ։

ՌԴ տրանսպորտի նախարարությունից ընդգծել են, որ սա Ադրբեջանի տարածքով Հայաստան բեռների տեղափոխման առաջին դեպքն է 1990-ական թվականներից ի վեր։ 

Ռուսական ցորենով բեռնված գնացքը (15 վագոն) նոյեմբերի 6-ի վաղ առավոտյան ժամանել է Հայաստան՝ անցնելով Ադրբեջանի և Վրաստանի տարածքով։

Ռուսական կողմի տվյալներով՝ Հայաստան է ուղարկվել ավելի քան 1000 տոննա ցորեն։