Ռուսաստանը կվերադարձնի ուկրաինացի ռազմագերիներին

Ռուսական կողմը համաձայնել է վերադարձնել երեք տարուց ավելի գերության մեջ գտնվող մարդկանց

Ստամբուլում Ռուսաստանի և Ուկրաինայի պատվիրակությունների միջև բանակցությունների արդյունքում Ռուսական կողմը համաձայնել է վերադարձնել երեք տարուց ավելի գերության մեջ գտնվող մարդկանց, այդ թվում՝ ծանր վիրավորների և երիտասարդների։ 

Առաջարկվել է ստեղծել աշխատանքային 3 խումբ, որոնք կաշխատեն առցանց՝ քաղաքական, մարդասիրական և ռազմական հարցերի շուրջ։  Ռուսաստանն Ուկրաինային նաև առաջարկել է փոխանակել առնվազն 1200 ռազմագերի՝ յուրաքանչյուր կողմից։ ՌԴ պատվիրակության ղեկավար Վլադիմիր Մեդինսկու խոսքով Ռուսաստանը և Ուկրաինան երկար քննարկել են հուշագրերը, կողմերի դիրքորոշումները բավականին հեռու են միմյանցից։  

Մեդինսկու խոսքով , որպեսզի առաջին դեմքերի հանդիպումը կայանա, պետք է մանրակրկիտ նախապատրաստվել։ Այդ հանդիպումը պետք է լինի այնպիսին, որ քննարկումների վերջակետը դնի, ասել է նա: