Ռուսաստանի արտաքին գործերի նախարարությունը հորդորում է արտերկիր մեկնող ՌԴ քաղաքացիներին հաշվի առնել երրորդ երկրներից ԱՄՆ արտահանձնվելու ռիսկերը։ «ՌԻԱ Նովոստի»-ի հետ զրույցում այս մասին հայտնել է ՌԴ ԱԳՆ դեպարտամենտի տնօրեն Գրիգորի Լուկյանցևը։
Իրավական պարտավորություններ և ռիսկեր Դիվանագետի պարզաբանմամբ՝ Եվրամիության և այլ տարածաշրջանների բազմաթիվ պետություններ ունեն արտահանձնման իրավական պարտավորություններ Վաշինգտոնի հետ։ Լուկյանցևն ընդգծել է, որ նախարարությունը չի սահմանափակում քաղաքացիների տեղաշարժը, այլ միայն խորհրդատվական նպատակով մատնանշում է հնարավոր վտանգները նրանց համար, ովքեր կարող են խնդիրներ ունենալ ամերիկյան կամ եվրոպական իրավապահ մարմինների հետ։
Ռիսկային երկրների աշխարհագրությունը Ըստ ՌԴ ԱԳՆ-ի՝ ԱՄՆ հարցումներով ձերբակալման բարձր ռիսկայնություն ունեցող երկրների թվում են.
Եվրոպայի և Լատինական Ամերիկայի մեծ մասը,
Կանադան, Ավստրալիան, Հարավային Կորեան, Սինգապուրը, Իսրայելը,
Հայաստանը,
Զբոսաշրջային ուղղություններ, ինչպիսիք են Թաիլանդը, Մալդիվները, Շրի Լանկան, Մարոկկոն, Ֆիջին և այլն։
Արտաքին գործերի նախարարությունից հավելում են, որ հրապարակված ցանկը սպառիչ չէ և չի ներառում բոլոր այն պետությունները, որոնք Միացյալ Նահանգների հետ ունեն արտահանձնման մասին գործող պայմանագրեր։
