Ralph Lauren–ը ներկայացրել է արհեստական բանականության ոճաբանին

Ralph Lauren-ը ներկայացրել է նոր գործառույթ՝ Ask Ralph անունով չաթբոտ, որը գործում է որպես անձնական արհեստական բանականության ոճաբան։ Այն հասանելի է Ralph Lauren-ի բրենդային հավելվածում՝ Apple և Android սարքերում, ներկայումս միայն ԱՄՆ-ում։

Օգտատերերը կարող են ուղղել հարցեր, օրինակ՝ «Ի՞նչ հագնեմ երեկոյան համերգին» կամ «Ինչպե՞ս ոճավորեմ մուգ կապույտ բաճկոնը», և բոտը կստեղծի պատրաստի համադրություններ, կառաջարկի համապատասխան աքսեսուարներ և ոճային լուծումներ՝ նման իրական բուտիկ ոճաբանի խորհրդատվությանը։

Չաթբոտը ստեղծվել է Microsoft Azure OpenAI հարթակի վրա։ Օգտատերերը կարող են հարմարեցնել իրենց հարցումները՝ ստանալով ավելի անհատականացված խորհուրդներ։

Ըստ David Lauren-ի՝ Ralph Lauren-ի և նորարարության գլխավոր տնօրենի, Ask Ralph-ը ոչ միայն ծառայություն է, այլ նաև միջոց՝ օգտատիրոջը ներգրավելու բրենդի աշխարհում։

Ընկերությունը նախատեսում է ընդլայնել AI ոճաբանի հնարավորությունները, ավելացնել նոր ֆունկցիաներ, այն կիրառել այլ շուկաներում և հասանելի դարձնել անհատականացված ոճը լայն լսարանի համար։