Փրկարար ծառայությունը հորդորում է պահպանել անվտանգության կանոնները ուժեղ քամու դեպքում

Խորհուրդ է տրվում խուսափել բաց տարածքներից:

ՆԳՆ փրկարար ծառայությունը քաղաքացիներին կոչ է անում ուժեղ քամու պայմաններում պահպանել անվտանգության կանոնները։

Մասնավորապես՝ խորհուրդ է տրվում խուսափել բաց տարածքներից, հատկապես այն վայրերից, որտեղ կան բարձր կամ հին ծառեր, որոնք կարող են ընկնել։

Փրկարարները նաև հորդորում են զգոն լինել շինությունների մոտ՝ խուսափելով չամրացված կամ թույլ ամրացված կառուցատարրերից։

Եթե քաղաքացին գտնվում է բաց տարածքում կամ այնպիսի վայրում, որը բավարար պաշտպանություն չի ապահովում, խորհուրդ է տրվում հնարավորինս արագ տեղափոխվել անվտանգ վայր և մնալ փակ տարածքում։

Բացի այդ, փողոցում գտնվելու դեպքում անհրաժեշտ է հեռու մնալ էլեկտրասյուներից և լուսային սյուներից՝ հնարավոր վտանգներից խուսափելու համար։