Հրապարակվեցին ԱՄՆ աշխատաշուկայի տվյալները. գործազրկությունը հասել է 4.3%-ի

Օգոստոսին ԱՄՆ տնտեսությունում ստեղծվել է ընդամենը 22 հազար նոր աշխատատեղ:

Օգոստոսին ԱՄՆ տնտեսությունում ստեղծվել է ընդամենը 22 հազար նոր աշխատատեղ, իսկ գործազրկության մակարդակը աճել է՝ հասնելով 4.3 տոկոսի․ սա ամենաբարձր ցուցանիշն է վերջին չորս տարում։ Տնտեսագետների գնահատմամբ՝ այս տվյալները գրեթե անխուսափելի են դարձնում, որ Դաշնային պահուստային համակարգը սեպտեմբերի 17-ի նիստում կգնա տոկոսադրույքի նվազեցման։

Աշխատատեղերի կորուստ է արձանագրվել արդյունաբերության, շինարարության, մեծածախ առևտրի և բիզնես ծառայությունների ոլորտներում։ Միակ դրական շարժը եղել է առողջապահությունում՝ 31 հազար նոր աշխատատեղ, սակայն սա նույնպես ցածր է նախորդ տարվա միջին մակարդակից։ Վերլուծաբանները շեշտում են, որ շուկայի թուլացման հիմնական պատճառներն են մաքսատուրքերի կտրուկ բարձրացումը և միգրացիոն սահմանափակումները, որոնք նվազեցրել են աշխատուժի հասանելիությունը։

Աղբյուրը՝ Reuters