Հրապարակվել է Դրամավարկային քաղաքականության թափանցիկության զեկույցը

Հայաստանի Կենտրոնական բանկը հրապարակել է Դրամավարկային քաղաքականության թափանցիկության զեկույցը, որը մանրամասն ներկայացնում է ԿԲ Խորհրդի անդամների անհատական որոշումների հիմնավորումները, տեսակետներն ու քննարկված հիմնական ռիսկերն ու անորոշությունները։

Զեկույցը նպատակ ունի ապահովել Կենտրոնական բանկի գործունեության առավելագույն թափանցիկությունը՝ հանրությանը ներկայացնելով դրամավարկային քաղաքականության որոշումների տրամաբանությունը, տնտեսական գնահատականներն ու նպատակները։

Բացի այդ, հրապարակվել է նաև զեկույցին կից «Դրամավարկային քաղաքականության հեռանկարներ» սահիկաշարը, որտեղ ամփոփված են համաշխարհային և ներքին տնտեսության հիմնական զարգացումները՝ անորոշությունների համատեքստում, որոնք քննարկվել են դրամավարկային քաղաքականության որոշման կայացման ընթացքում։

Դրամավարկային քաղաքականության թափանցիկության զեկույցը
Դրամավարկային քաղաքականության հեռանկարներ

Այս ձևաչափը նպատակ ունի բարձրացնել հանրային իրազեկվածությունը՝ ներկայացնելով ավելի ամբողջական պատկեր ԿԲ որոշումների հիմքում ընկած տնտեսական վերլուծությունների և կանխատեսումների վերաբերյալ։