Վարչապետի ստացած «Զայեդ» մրցանակաբաշխության կես մլն դոլարի համար արտաբյուջետային ավանդային հաշիվ կբացվի

Այս մեխանիզմը նախատեսված է ապահովելու մրցանակային միջոցների ավանդադրումըԼ

Կառավարությունը ապրիլի 2-ի նիստում որոշում է ընդունել՝ թույլատրելով ՀՀ վարչապետի աշխատակազմին բացել արտաբյուջետային ավանդային հաշիվ։

Որոշումը վերաբերում է «Զայեդ» մարդկային եղբայրության մրցանակաբաշխության շրջանակում ստացված 500 հազար ԱՄՆ դոլարի կառավարման գործընթացին։

Նախագծի համաձայն՝ նախատեսվում է ՀՀ ֆինանսների նախարարության գանձապետարանում բացել ՀՀ դրամով արտաբյուջետային հաշիվ՝ վարչապետի աշխատակազմի անունով։

Այս մեխանիզմը նախատեսված է ապահովելու մրցանակային միջոցների ավանդադրումը և դրանց հաշվին կառավարության որոշումներով սահմանված ծախսերի ֆինանսավորումը։

Կառավարության գնահատմամբ՝ նման ձևաչափը թույլ է տալիս իրականացնել միջոցների մուտքերի և ելքերի առանձնացված հաշվառում պետական գանձապետական համակարգում։

Որոշումը նպատակ ունի ապահովել միջոցների կառավարման թափանցիկությունը և դրանց նպատակային օգտագործումը։