Ֆիլիպիններում հզոր երկրաշարժ է տեղի ունեցել

Ֆիլիպինների նախագահ Ֆերդինանդ Մարկոս կրտսերը կոչ է արել տարհանել երկրի հարավային հատվածի բնակիչներին, որտեղ գրանցվել է ուժեղ երկրաշարժ:

Ֆիլիպինների հարավում 7,4 մագնիտուդով հզոր երկրաշարժ է տեղի ունեցել, որից հետո մի քանի երկրներում ցունամիի նախազգուշացում է տարածվել, ափամերձ տարածքներում գտնվող մարդկանց կոչ են արել տարհանվել։


Ըստ պաշտոնյաների՝ առնվազն մեկ մարդ մահացել է։ Հաղորդվել է նաև մի քանի շենքերի և կամուրջների վնասվելու մասին։ Ցունամիի նախազգուշացում է հայտարարվել Ինդոնեզիայում և Պալաուում։


Երկու շաբաթ առաջ Ֆիլիպիններում ևս մեկ երկրաշարժ էր տեղի ունեցել՝ 6,9 մագնիտուդով, որի հետևանքով Սեբու կղզում 74 մարդ էր զոհվել։


Ֆիլիպինների նախագահ Ֆերդինանդ Մարկոս կրտսերը կոչ է արել տարհանել երկրի հարավային հատվածի բնակիչներին, որտեղ գրանցվել է ուժեղ երկրաշարժ: