Հռոմի Պապ Լևոն XIV-ը շնորհակալական նամակ է հղել Պոլսի հայոց պատրիարք Սահակ արքեպիսկոպոս Մաշալյանին

Հռոմի պապը նաև հույս է հայտնել, որ ապագայում ևս հնարավորություն կունենան հանդիպումների և շարունակական երկխոսության։

Հռոմի Պապ Լևոն XIV-ը նամակ է հղել Պոլսի հայոց պատրիարք Սահակ արքեպիսկոպոս Մաշալյանին՝ շնորհակալություն հայտնելով իր՝ Ստամբուլ այցի ընթացքում Սուրբ Աստվածածին եկեղեցում ցուցաբերված ջերմ ընդունելության համար։

Պապի նամակում ընդգծվում է, որ նման հանդիպումները նպաստում են Կաթոլիկ և Հայ առաքելական եկեղեցիների միջև եղբայրական հարաբերությունների ամրապնդմանն ու խորացմանը։ Նամակը հրապարակել է Պոլսի հայոց պատրիարքարանը։

Հռոմի պապը նաև հույս է հայտնել, որ ապագայում ևս հնարավորություն կունենան հանդիպումների և շարունակական երկխոսության։

«Վստահեցնում եմ, որ Ձեզ հիշում եմ իմ աղոթքներում։ Խոնարհաբար խնդրում եմ, որ Դուք էլ ինձ հիշեք ձեր աղոթքներում։ Աստվածամայրը իր Որդու գահին առջև թող բարեխոսի մեզ համար», — ասված է նամակում։

Նամակը ստորագրված է՝
Լևոն ԺԴ., Պապ