ՊԵԿ-ը հիշեցնում է հատուկ հարկման համակարգերի ընտրության վերջնաժամկետը

Շրջանառության հարկի և միկրոձեռնարկատիրության հարկման համակարգերում գործունեություն իրականացնելու սահմանափակումները սահմանված են ՀՀ հարկային օրենսգրքի համապատասխան հոդվածներում՝ 254-րդ և 267-րդ։

Պետական եկամուտների կոմիտեն տեղեկացնում է, որ հատուկ հարկման համակարգերում 2026 թվականի հունվարի 1-ից գործունեություն իրականացնելու հայտարարությունը պետք է ներկայացվի մինչև 2026 թվականի փետրվարի 20-ը ներառյալ։

Նշված ժամկետը սահմանված է

  • շրջանառության հարկով հարկման համակարգի համար՝ ՀՀ հարկային օրենսգրքի 254-րդ հոդվածով,

  • միկրոձեռնարկատիրության հարկման համակարգի համար՝ ՀՀ հարկային օրենսգրքի 267-րդ հոդվածով։

ՊԵԿ-ը նշում է, որ հարկման համակարգի ընտրության հետ կապված իրավական խնդիրներից խուսափելու համար 2026 թվականի հունվարի 1-ից հատուկ հարկման համակարգում գործունեություն իրականացնելու ցանկություն ունեցող հարկ վճարողները պետք է հայտարարությունը ներկայացնեն օրենքով սահմանված ժամկետում՝ բացառապես էլեկտրոնային եղանակով, Հաշվետվությունների ներկայացման էլեկտրոնային համակարգի միջոցով։

Նոր ստեղծված կազմակերպությունները կամ անհատ ձեռնարկատերերը համապատասխան հայտարարությունը պարտավոր են ներկայացնել պետական գրանցում ստանալուց կամ հարկային հաշվառվելուց հետո 20 օրվա ընթացքում։

Միաժամանակ ՊԵԿ-ը հիշեցնում է, որ շրջանառության հարկի և միկրոձեռնարկատիրության հարկման համակարգերում գործունեություն իրականացնելու սահմանափակումները սահմանված են ՀՀ հարկային օրենսգրքի համապատասխան հոդվածներում՝ 254-րդ և 267-րդ։

Կոմիտեն նաև տեղեկացնում է, որ միկրոձեռնարկատիրության հարկման համակարգին վերաբերող առանձին հարցերի վերաբերյալ մանրամասները հասանելի են միկրոձեռնարկատիրության հարկման համակարգի վերաբերյալ իրազեկման թերթիկում։