Փարիզը մտադիր է արագ ներկայացնել Ռուսաստանի դեմ ԵՄ պատժամիջոցների 19-րդ փաթեթը

Ֆրանսիայի արտաքին գործերի նախարար Ժան-Նոել Բարոն France Inter-ի հետ հարցազրույցում հայտարարել էր, որ «հանձնարարել է իր թիմերին պատրաստել եվրոպական պատժամիջոցների նոր, ավելի խիստ փաթեթ։

Ռուսաստանի դեմ ԵՄ պատժամիջոցների նոր փաթեթը կընդունվի «հնարավորինս շուտ», France Inter ռադիոյին ասել է Ֆրանսիայի Եվրոպայի հարցերով նախարար Բենջամին Հադդադը։ 

«Մենք պետք է աշխատենք մեր գործընկերների հետ։ ԵՄ պատժամիջոցների 17-րդ և 18-րդ փաթեթները մեկը մյուսի հետևից ընդունեցինք հիմնականում Ֆրանսիայի ակտիվ դիրքորոշման շնորհիվ»,- ասել է նա։ Նախարարի խոսքով՝ նպատակն է «առավելագույն ճնշում գործադրել Ռուսաստանի վրա և սպառել Ռուսաստանի ռեսուրսները, հատկապես՝ էներգետիկ» : 

Մեկ օր առաջ Ֆրանսիայի արտաքին գործերի նախարար Ժան-Նոել Բարոն France Inter-ի հետ հարցազրույցում հայտարարել էր, որ «հանձնարարել է իր թիմերին պատրաստել եվրոպական պատժամիջոցների նոր, ավելի խիստ փաթեթ։ Միևնույն ժամանակ, Բարոն նշել էր, որ դա տեղի կունենա «Միացյալ Նահանգների հետ համակարգված»։