Պապոյանը հույս է հայտնում, որ Հայաստանն այսուհետ ցորեն կներմուծի միայն երկաթուղային ճանապարհով թե Ղազախստանից, թե Ռուսաստանից

Համապատասխան հայտարարություններ ու միջոցառումներ կլինեն:

ՀՀ էկոնոմիկայի նախարար Գևորգ Պապոյանը հույս է հայտնում, որ Հայաստանն այսուհետ ցորեն կներմուծի միայն երկաթուղային ճանապարհով թե Ղազախստանից, թե Ռուսաստանից: 

Պապոյանն այս մասին ասաց ԱԺ մշտական հանձնաժողովների համատեղ նիստում «ՀՀ 2026թ պետական բյուջեի մասին» օրենքի նախագծի քննարկումներում՝ անդրադառնալով ղազախական ցորենի ներմուծման վերաբերյալ հարցին: 

«Այս առումով 2 կարևոր միջոցառում է տեղի ունենում: Ես հուսով եմ, որ Հայաստանն այսուհետ ցորեն կներմուծի միայն երկաթուղային ճանապարհով, որը տնտեսապես շատ նպատակահարմար է՝ ընդ որում և Ղազախստանից, և Ռուսաստանից: Եվ ղազախական ցորենի, և ռուսական ցորենի ինքնարժեքը երկաթուղային ճանապարհով Հայաստան գալու պարագայում էապես իջնում է»,-ասաց Պապոյանը:

Նախարարը հայտնեց, որ առաջիկա օրերին համապատասխան հայտարարություններ ու միջոցառումներ կլինեն: