Oracle-ի բաժնետոմսերը կտրուկ անկում են ապրել

Տեխնոլոգիական հատվածում անկումը տարածվել է նաև Nvidia-ի, AMD-ի, Micron-ի և այլ խոշոր խաղացողների վրա

Oracle ընկերության բաժնետոմսերը հինգշաբթի օրը նվազել են շուրջ 13%-ով։ Պատճառը ընկերության հրապարակած հոռետեսական ֆինանսական կանխատեսումներն ու արհեստական բանականության ենթակառուցվածքներում կատարվող խոշոր ծախսերն են, որոնք ներդրողների շրջանում կասկածներ են առաջացրել, թե որքանով են արդարացված ԱԲ-ի վրա կատարվող բազմամիլիարդանոց խաղադրույքները։ Հիշեցնենք, որ Oracle-ը հանդիսանում է OpenAI-ի հիմնական ամպային գործընկերը։

Տեխնոլոգիական հատվածում անկումը տարածվել է նաև Nvidia-ի, AMD-ի, Micron-ի և այլ խոշոր խաղացողների վրա՝ իջեցնելով Nasdaq ինդեքսը շաբաթվա նվազագույն մակարդակին։ Վերլուծաբանների գնահատմամբ՝ շուկան ավելի ու ավելի հաճախ է համեմատում ԱԲ-ի շուրջ ստեղծված խանդավառությունը 1990-ականների dot-com բումի հետ՝ հարցադրումներով, թե արդյոք ներկայիս գնահատականները հիմնավորված են իրական եկամուտներով։