Հանրապետության օրվան նվիրված միջոցառումների մասնակիցների անվտանգությունն ապահովելու նպատակով Երևանի մի շարք կենտրոնական փողոցներում և պողոտաներում նախատեսված են երթևեկության սահմանափակումներ։ Այս մասին տեղեկացնում է ՀՀ ներքին գործերի նախարարությունը:
Սահմանափակումները կիրառվելու են մայիսի 26-ին և մայիսի 28-ին՝ համաձայն հետևյալ ժամանակացույցի.
Մայիսի 26 (Այսօր)
Ժամը 7։00-ից 15։00-ն երթևեկությունը սահմանափակված է Աթենքի փողոց - Մաշտոցի պողոտա - Ամիրյան փողոց հատվածում: Փակ է նաև Տիգրան Մեծի պողոտա - Մհեր Մկրտչյանի փողոց - Խորենացու փողոց - Իտալիայի փողոց - նախկին «Մայրաքաղաքային» գնդի տարածք հատվածը:
Ժամը 10։00-ից 15։00-ն փակ է լինելու Քրիստափորի փողոց - Տիգրան Մեծի պողոտա խաչմերուկը, ինչպես նաև Աթենքի փողոցից՝ Տիգրան Մեծի պողոտա - Ագաթանգեղոսի փողոց - Գրիգոր Լուսավորչի փողոց - Արգիշտիի փողոց - Աթենքի փողոց հատվածը:
Մայիսի 28
Ժամը 07։00-ից 15։00-ն փակ են լինելու վերը նշված բոլոր ճանապարհահատվածները:
Հանրապետության հրապարակ - Տիգրան Մեծ պողոտա - Քրիստափորի փողոց խաչմերուկ հատվածը փակ կմնա ավելի երկար՝ մինչև մայիսի 29-ի ժամը 01։00-ն:
ՆԳՆ-ն վարորդներին հորդորում է հաշվի առնել սահմանափակումները և նախապես պլանավորել երթևեկության այլընտրանքային երթուղիները:
