Նավթն ապագայում էլ կենսական նշանակություն կունենա աշխարհի համար. OPEC-ի գլխավոր քարտուղար

Նավթը կշարունակի կենսական նշանակություն ունենալ ապագայում

Նավթը կշարունակի կենսական նշանակություն ունենալ ապագայում, քանի որ Նավթ արտահանող երկրների կազմակերպությունը (OPEC) կանխատեսում է, որ պահանջարկը մինչև 2050 թվականը կաճի մինչև օրական 123 միլիոն բարել՝ պայմանավորված տնտեսական զարգացմամբ և բնակչության աճով, գրել է OPEC-ի գլխավոր քարտուղար Հայթհամ ալ-Գայիսը կազմակերպության հիմնադրման 65-ամյակին նվիրված հոդվածում։

«Առաջիկայում նավթը կշարունակի կենսական նշանակություն ունենալ։ Համաձայն ՕՊԵԿ-ի համաշխարհային նավթային շուկայի վերջին տարեկան վերանայման՝ «World Oil Outlook 2025»-ի, նավթի պահանջարկը կարող է հասնել օրական մոտ 123 միլիոն բարելի մինչև 2050 թվականը։

Այս աճը պայմանավորված է աշխարհի ավելի շատ էներգիայի կարիքով, քանի որ տնտեսությունները ընդլայնվում են, իսկ բնակչությունը՝ աճում։ Էներգետիկ անվտանգությունը բոլորի համար մնում է կարևոր և անհնար է պատկերացնել առանց նավթի»,- գրել է նա։

ՕՊԵԿ-ի գլխավոր քարտուղարը նշել է, որ զարգացող երկրներում միլիարդավոր մարդիկ շարունակում են բախվել էներգետիկ աղքատության, ուստի կարևոր է որոշել, թե ինչպես կարելի է այս աճին հասնել էներգիայի բոլոր տեսակների օգտագործման միջոցով՝ հավասարակշռելով մարդկանց, տնտեսության և շրջակա միջավայրի կարիքները։