Նավթը թանկացավ ավելի քան 2%-ով․ Թրամփի՝ Վենեսուելայի նավթային շրջափակման որոշումը սրել է անորոշությունը

Վենեսուելան ապահովում է համաշխարհային նավթի մոտ 1%-ը։

Համաշխարհային նավթային շուկաներում գները կտրուկ աճել են այն բանից հետո, երբ ԱՄՆ նախագահ Դոնալդ Թրամփը կարգադրել է ամբողջական շրջափակում սահմանել Վենեսուելա մտնող և դուրս եկող բոլոր սանկցիաների տակ գտնվող նավթատարների նկատմամբ։  Brent տեսակի նավթը թանկացել է 2.4%-ով՝ հասնելով 60.33 դոլարի, իսկ ամերիկյան WTI-ն աճել է 2.6%-ով՝ մինչև 56.69 դոլար մեկ բարելի համար։ Նախորդ օրն, ի դեպ, գները մոտեցել էին հնգամյա նվազագույնին՝ Ռուսաստանի և Ուկրաինայի միջև հնարավոր խաղաղության ֆոնին։

Վերլուծաբանների խոսքով՝ եթե ռուսական ռիսկերն արդեն հաշվարկված էին շուկայի կողմից, ապա Վենեսուելայի ուղղությամբ զարգացումները նոր անորոշություն են ստեղծում մատակարարման հարցում։ Վենեսուելան ապահովում է համաշխարհային նավթի մոտ 1%-ը։ Չինաստանը մնում է ամենախոշոր գնորդը՝ վենեսուելական նավթը կազմում է նրա ներմուծման շուրջ 4%-ը։