Հոկտեմբերի 14-ի բիզնես լուրերը

Տեղական

2025-ի առաջին կիսամյակում օտարերկրյա ուղղակի ներդրումները Հայաստանում կազմել են 5 մլրդ դրամ
ՀՀ Վիճակագրական կոմիտեի տվյալներով՝ 2025-ի հունվար-հունիսին օտարերկրյա ուղղակի ներդրումների ծավալը կազմել է 5 մլրդ 31 մլն դրամ։ Միևնույն ժամանակ, արձանագրվել է ռուսական կապիտալի զգալի արտահոսք՝ մոտ 27 մլրդ դրամ։

Հայաստանում սննդամթերքի գներն աճել են 5.8%-ով մեկ տարվա ընթացքում
Սպառողական գների ինդեքսը 2025-ի հունվար–սեպտեմբերին աճել է 3.3%-ով։ Սննդամթերքի գներն ավելացել են 5.2%-ով, մրգերը՝ 12.4%-ով, իսկ հացը՝ 5%-ով՝ ըստ Վիճակագրական կոմիտեի։

Սեպտեմբերին Հայաստան է այցելել ավելի քան 229 հազար զբոսաշրջիկ
Զբոսաշրջային այցելությունների թիվը նախորդ տարվա համեմատ նվազել է շուրջ 7,000-ով։ Առավել շատ զբոսաշրջիկներ ժամանել են Ռուսաստանից, Վրաստանից և Իրանից։

ՀՀ–ԵՄ վիզաների դյուրացման և հետընդունման կոմիտեների նիստերը կայացել են Բրյուսելում
Կողմերը քննարկել են միգրացիոն քաղաքականության նոր զարգացումները, վիզաների ազատականացման գործընթացը և հետընդունման համաձայնագրի կատարման ընթացքը՝ ընդգծելով Հայաստանի առաջընթացը։

Միջազգային

Մեծ Բրիտանիան վերացրել է Հայաստանի և Ադրբեջանի նկատմամբ զենքի էմբարգոն
Լոնդոնը բարձրացնում է հարաբերությունների մակարդակը երկու երկրների հետ՝ առևտրի, անվտանգության և պաշտպանության ոլորտներում։ Միևնույն ժամանակ, զենքի արտահանման լիցենզիաները կքննարկվեն խիստ վերահսկողությամբ։

Ռուսաստանը, Իրանը և Ադրբեջանը մշակում են «Հյուսիս–Հարավ» միջանցքի զարգացման ծրագիր
Եռակողմ աշխատանքային խումբը կգործի մինչև հաջորդ տարվա սկիզբ՝ մշակելու տրանսպորտային, մաքսային և սահմանային համակարգերի զարգացման ծրագիր։

ԵՄ-ն չեղարկել է մաքսատուրքերը մի շարք ուկրաինական գյուղատնտեսական ապրանքների համար
Քայլը վերաբերում է կաթնամթերքին, մսին, մրգերին և բանջարեղենին։ Նպատակն է խթանել ԵՄ–Ուկրաինա առևտուրը՝ պահպանելով եվրոպական սննդային ստանդարտները։

ԱՄՆ-ը դարձել է աշխարհի ամենահարուստ երկիրը՝ մաքսատուրքերի շնորհիվ, ըստ Թրամփի
Թրամփը նշել է, որ մաքսատուրքերի քաղաքականությունը թույլ է տվել ԱՄՆ-ին դառնալ ամենաարդյունավետ տնտեսությունն աշխարհում՝ չնայած որոշ երկրների նկատմամբ սահմանված բարձր սակագներին։

Հետաքրքիր

Չինաստանն առաջատար է հազվագյուտ հողային տարրերի պաշարներով
Երկրում արձանագրվել է շուրջ 44 միլիոն տոննա պաշար՝ համաշխարհային ընդհանուրի գրեթե կեսը։ Դրանք լայնորեն կիրառվում են էլեկտրամոբիլների, սմարթֆոնների և ռազմական տեխնոլոգիաների արտադրությունում։