Nvidia-ի եռամսյակային հաշվետվության հրապարակումից հետո S&P 500 ինդեքսը նոր ռեկորդ սահմանեց

Ընկերության եկամուտը աճել է 56 տոկոսով:

Օգոստոսի 28-ին ամերիկյան S&P 500 ինդեքսը թարմացրեց իր պատմական առավելագույնը՝ 6,497.88 կետ, իսկ Nasdaq-ը՝ 21,705.67։ Հիմնական պատճառը Nvidia-ի հրապարակած եռամսյակային հաշվետվությունն է, որի տվյալները, չնայած Չինաստանի հետ կապված որոշ թերագնահատումներին, վկայում են արհեստական բանականության ոլորտում շարունակական ներդրումային բումի մասին։

Ընկերության եկամուտը աճել է 56 տոկոսով՝ նոր շունչ հաղորդելով Microsoft-ի, Meta-ի, Amazon-ի և Broadcom-ի բաժնետոմսերին։ Nvidia-ի հաշվետվությունը վերլուծաբանների կողմից գնահատվել է որպես հաստատում, որ AI ոլորտի աճը չի դանդաղում, իսկ բորսայի շարժիչ ուժը մնում է այդ հատվածը։ Ըստ Baird վերլուծական ընկերության՝ «Nvidia-ն շարունակում է գերազանցել անգամ ամենաբարձր սպասելիքները»։

Աղբյուր՝ Reuters