Տեղական լուրեր
Կրիպտոակտիվների շուկայի գնահատման գործոնները Հայաստանի մասնակիցների համար
Հոկտեմբերին կրիպտոշուկայի համաշխարհային կապիտալիզացիայի 9.1% անկումը ցույց է տալիս, որ Հայաստանում շուկայի մասնակիցները գների շարժը գնահատելիս պետք է հենվեն ոչ թե սեզոնային սպասումների, այլ ԱՄՆ մակրոտնտեսական ցուցանիշների, ԴՊՀ-ի արձանագրության, գնաճի տվյալների և կարգավորող փոփոխությունների վրա:
Երկարաձգվել է ԼՂ-ից տեղահանված անձանց ժամանակավոր պաշտպանության վկայականների ժամկետը
Վկայականների գործողության ժամկետը երկարաձգվել է ևս մեկ տարով՝ մինչև 2027 թվականի դեկտեմբերի 31-ը: Երկրից դուրս գալիս «070» ծածկագրով անձնագիրն ու վկայականը վավեր են միայն միաժամանակ ներկայացնելու դեպքում:
2027 թվականին Վիետնամից Հայաստան 0% մաքսատուրքով կներմուծվի մինչև 250 տոննա բրինձ
ԵԱՏՄ-Վիետնամ ազատ առևտրի համաձայնագրի շրջանակում 2027 թ. հունվարի 1-ից սահմանվում է սակագնային քվոտա, որով համապատասխան լիցենզիայի առկայության դեպքում կներմուծվի մինչև 250 տոննա երկարահատիկ բրինձ:
Սերբիայից որոշ ապրանքներ 2027-ին Հայաստան կներմուծվեն առանց մաքսատուրքի
ԵԱՏՄ-Սերբիա համաձայնագրի դրույթներով՝ 2027 թվականի ընթացքում սահմանված քվոտաների և լիցենզիաների շրջանակում 0% մաքսատուրքով Հայաստան կներմուծվեն պանիրներ, թրմօղիներ և ծխախոտ:
Մեկնարկել է կենսաթոշակառուների անկանխիկ գործարքների հոկտեմբերի հետվճարների վճարումը
Սկսվել է հոկտեմբեր ամսվա անկանխիկ գործարքների դիմաց 20% հետվճարների փոխանցման գործընթացը (ամսական առավելագույն չափը կազմում է 10,000 դրամ):
Միջազգային լուրեր
Հոկտեմբերին եվրագոտում գնաճը հասել է եռամյա առավելագույնին՝ 4%-ի
Մերձավոր Արևելքում շարունակվող հակամարտության ֆոնին եվրագոտում էներգակիրների գները տարեկան կտրվածքով աճել են 21%-ով, ինչի հետևանքով սպառողական գների աճը հասել է 4%-ի (2023 թ. սեպտեմբերից ի վեր ամենաբարձր ցուցանիշը):
Գերմանիայում վառելիքի գների ժամանակավոր առավելագույն շեմ կսահմանվի
Իշխող կոալիցիան համաձայնության է եկել 2027 թվականի հունվարի 1-ից երեք ամիս ժամկետով ավտոմոբիլային վառելիքի գների առավելագույն շեմ սահմանելու շուրջ՝ երաշխավորելով մատակարարման անվտանգությունը:
Nvidia-ն երրորդ ֆինանսական եռամսյակում կրկնապատկել է զուտ շահույթը
Հոկտեմբերի 25-ին ավարտված եռամսյակում ընկերության զուտ շահույթը հասել է 65.3 մլրդ դոլարի՝ նախորդ տարվա 31.9 մլրդ դոլարի դիմաց, իսկ հասույթը թարմացրել է հերթական ռեկորդը:
Walt Disney-ի եռամսյակային զուտ շահույթը գրեթե կրկնապատկվել է
Չորրորդ ֆինանսական եռամսյակի արդյունքներով ընկերության զուտ շահույթը կազմել է 2.61 մլրդ դոլար՝ նախորդ տարվա 1.31 մլրդ դոլարի փոխարեն:


