Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ

Հոկտեմբերի տվյալներով՝ ՀՀ-ում աշխատատեղերի ռեկորդ է արձանագրվել՝ 810,074
Աշխատատեղերը ամսական կտրվածքով աճել են 5,000-ով։ 2018թ. հոկտեմբերից կուտակային աճը կազմել է 223,895 աշխատատեղ։

Կառավարությունը 1 մլրդ 708 մլն դրամ կհատկացնի մարզերում 15 սուբվենցիոն ծրագրերի համար
Սուբվենցիոն համաֆինանսավորման ընդհանուր ծավալը 2025թ. բյուջեում կհասնի 76 մլրդ դրամի։

2026թ․ հունվարի 1-ից կենսաթոշակառուները անկանխիկ գնումների դեպքում ավելի մեծ հետվճար կստանան
Հետվճարի տոկոսը 12%-ից դառնում է 20%, առավելագույնը՝ 6,000-ից մինչև 10,000 դրամ։ Շահառուները՝ 366,432 (+3.6% ամսական)։ Անկանխիկ գործարքները՝ 14.768 մլրդ դրամ (+6.9%)։

Երևանում տրանսպորտի ուղեվարձերից առաջացել է 5.5 մլրդ դրամ թերհավաքագրում
Կառավարությունը 3 մլրդ դրամ դոտացիա կհատկացնի Երևանի 45 տրոլեյբուսների գնման համար։ 2025 թ․ նախատեսված էր հավաքագրել 21.3 մլրդ դրամ, սակայն ստացվել է մոտ 5.5 մլրդ պակաս։

2025թ. սեպտեմբերին արտերկրից ստացված փոխանցումները կազմել են 507.4 մլն դոլար
Տարեկան աճը՝ +26.3% կամ +105.6 մլն դոլար։ Տվյալները՝ ՀՀ ԿԲ։

ՄԻՋԱԶԳԱՅԻՆ

ԱՄՆ բյուջեի դեֆիցիտը հոկտեմբերին հասել է 284.35 մլրդ դոլարի (+10%)
Եկամուտները աճել են 23.7%-ով՝ հասնելով 404.37 մլրդ դոլարի, ինչը հոկտեմբերյան պատմական ռեկորդ է։

Amazon-ը 50 մլրդ դոլար կներդնի ԱՄՆ պետական կառույցների համար ԱԲ ենթակառուցվածքի ընդլայնման նպատակով
AWS-ի հզորությունները կուժեղացվեն՝ պետական մարմիններին մեծածավալ տվյալների մշակում և սեփական ԱԲ լուծումներ ստեղծելու հնարավորություն տալու համար։

Վրաստանի բանկերը 10 ամսում ստացել են 2.690 մլրդ լարի շահույթ
Սեպտեմբերին միայն ավելացել է 282 մլն լարի։ Նախորդ տարվա համեմատ ոլորտը աճել է 101 մլն լարիով։

Կակաոյի համաշխարհային գինը նվազել է՝ Կոտ դ’Իվուարի բարձր մատակարարումների պատճառով
Մատակարարումները երեք շաբաթ շարունակ գերազանցում են շաբաթական 100 հազար տոննան։ Ակնկալվում է որոշակի հետագա նվազում և վերադարձ նախորդ տարվա մակարդակին։