Ծիրանի արտահանման հետ կապված խնդիրներ չկան․ Պապոյան

«Տպավորություն է, թե ծիրանի արտահանման հետ կապված խնդիրներ կան, ոչ մի խնդիր էլ չկա, մենք 2500 մեքենա ծիրան ենք արտահանել ՌԴ, ընդամենը 15 մեքենա է խնդիր ունեցել, որոնք կեղծ փաստաթղթերով են եղել»։ Այս մասին այսօր՝ օգոստոսի 21-ին կառավարության մոտ լրագրողների հետ ճեպազրույցի ժամանակ ասաց ՀՀ էկոնոմիկայի նախարար Գևորգ Պապոյանը՝ նշելով, որ քաղաքական պատճառներ չի տեսնում առաջացած խնդիրների մեջ։

«Կան հարցեր, որոնք մենք դիվերսիֆիկացնում ենք։ Օրինակ` Իրանի առևտրի նախարարի հետ հանդիպում եմ ունեցել և խնդրել եմ, որ մեզ հեղուկ գազի քվոտաներ տան։ Հիմա մենք մի կետից ենք ստանում, և խնդիրներ են առաջանում։ Եթե երկրորդ տեղից էլ ստանանք, ենթադրում եմ, գինը կնվազի»,-հայտարարեց Պապոյանը։

Պապոյանը ևս մեկ անգամ շեշտեց, քաղաքական խնդիրներն չկան, Հայաստանից ԵԱՏՄ արտահանումն աճել է։