Nissan-ը ցուցադրել է Infiniti QX65-ը

QX65-ը ստեղծված է քրոսովեր-կուպեի ֆորմ-գործոնով և առանձնանում է թեք տանիքով։

Nissan Motor-ը տարածել է իր շքեղ Infiniti ապրանքանիշի նոր մոդելի՝ միջին չափսերի QX65-ի առաջին պաշտոնական լուսանկարները։

QX65-ը ստեղծված է քրոսովեր-կուպեի ֆորմ-գործոնով և առանձնանում է թեք տանիքով։ Այս մոդելը կարելի է անվանել 2002 թվականի FX ամենագնացի գաղափարական իրավահաջորդը, որը Infiniti ապրանքանիշի ամենաճանաչելի պատմական մոդելն է, հաղորդում է Drom.ru-ն։

Infiniti QX65-ի արտաքին տեսքը բնորոշ է Infiniti-ի ոճային լուծումներին՝ բարդ ցանցային նախշով ռադիատորի հսկայական ցանց, ալիքավոր շարժիչի կապոտ, անիվների խորը կամարներ և էմոցիոնալ կողային վահանակներ։ Առջևի լուսարձակները «երկհարկանի» են (մոտ և հեռու լույսի բլոկները թաքնված են բամպերի անկյուններում), իսկ հետևի լուսարձակները՝ նեղ և տեսողականորեն ամբողջական են։

Մեքենայի սրահը դեռ չի ցուցադրվել։

Նախնական տեղեկություններով՝ QX65-ը կհամալրվի 2.0 լիտր ծավալով բենզինային տուրբոշարժիչով՝ 272 ձիաուժ և 387 Նմ պտտող մոմենտ հզորությամբ։ Այն կզուգակցվի 9-աստիճան ավտոմատ փոխանցման տուփով և լիաքարշակ համակարգով։