Նեպալում ավերիչ ջրհեղեղից ինը օր անց փրկարարները հեղեղված հիդրոէլեկտրակայանի (ՀԷԿ) թունելից ողջ են դուրս բերել մեկ տղամարդու։ Այդ մասին հայտնել է Kathmandu Post թերթը։
«Ռաշտրիա Սվատանտրա» կուսակցությունից պատգամավոր Շրի Ռամ Նեուպանեն, որը մասնակցել է որոնողափրկարարական գործողությանը, հայտնել է, որ փրկված տղամարդու անունը Սանջայ Սահ է։ Պատգամավորի տվյալներով, փրկարարները հաղորդումներ են ստացել, որ «Տրիշուլի» ՀԷԿ-ի թունելում այլ մարդիկ էլ կան, և նրանց որոնումները շարունակվում են։
Reuters գործակալությունը, հղում անելով երկրի էներգետիկայի նախարարությանը, տեղեկացրել է, որ նույն թունելից ևս մեկին են փրկել։
