Nasdaq-ն ու S&P 500-ը նոր ռեկորդներ են սահմանել. ներդրողները սպասում են տեխնոհսկաների հաշվետվություններին

Ամերիկյան ֆոնդային շուկան շաբաթը մեկնարկեց աճող տրամադրությամբ։

Nasdaq և S&P 500 ինդեքսները հասան նոր պատմական բարձունքների:

Tesla-ի և Alphabet-ի բաժնետոմսերը աճել են համապատասխանաբար 1.7% և 0.5%, մինչդեռ Verizon ընկերությունը 2.2%-անոց աճ է գրանցել՝ վերանայելով իր տարեկան շահույթի կանխատեսումները։ Հաջողությամբ հանդես եկավ նաև Domino’s Pizza-ն, որի եկամուտները գերազանցել են վերլուծաբանների ակնկալիքները՝ ԱՄՆ ներքին շուկայում։

Շաբաթվա ընթացքում ներդրողներն ուշադիր կհետևեն Ֆեդերալ պահուստային համակարգի նախագահ Ջերոմ Փաուելի հայտարարություններին, որոնք կարող են հստակություն մտցնել ԱՄՆ-ի մոնետար քաղաքականության առաջիկա ուղղության շուրջ։

Աղբյուրը՝ Reuters