Մեքսիկան դառնում է Կանադայի գլխավոր ավտոմեքենաների մատակարարը

Կանադայի ավտոշուկան փոփոխվում է մաքսատուրքերի ճնշման տակ:

Կանադայի Ազգային վիճակագրական վարչության տվյալներով՝ 2025-ի հունիսին Կանադան Մեքսիկայից ներմուծել է 1.08 մլրդ CAD (≈784 մլն դոլար) ավտոմեքենա, մինչդեռ ԱՄՆ-ից՝ 950 մլն CAD։ Սա առաջին անգամն է 1990-ականներից, երբ մեքսիկական ավտոարտադրությունը գերազանցում է ամերիկյանին։

Գլխավոր պատճառը՝ Դոնալդ Թրամփի վարչակազմի սահմանած 25% մաքսատուրքերն արտերկրյա մեքենաների վրա։ Կանադան պատասխանեց՝ սահմանելով համաչափ տուրքեր ԱՄՆ-ում հավաքված մեքենաների համար՝ բացառությամբ այն ընկերությունների, որոնք շարունակում են ներդրումներ կատարել երկրում։

Ինչ է փոխվում.

• Ford-ը դադարեցրել է արտադրությունը Օնտարիոյում, սակայն պլանավորում է 2026-ին սկսել F-Series Super Duty պիկափների արտադրությունը։

• Մեքսիկայի առաջատարությունը կարող է ժամանակավոր լինել․ փետրվար–մարտ ամիսներին Կանադան ԱՄՆ-ից ներմուծել է միջինում 2.5 մլրդ CAD մեքենա՝ մաքսատուրքերի կիրառմանն ընդառաջ։

• Խոշոր արտադրողները խուսափում են գների բարձրացումից՝ փոխարենը վերաձևելով մատակարարման շղթաները։

ԱՄՆ-ի սակագնային քաղաքականությունը կարող է փոխել Հյուսիսային Ամերիկայի ավտոարդյունաբերության ուժային բալանսը․ Կանադան՝ որպես ամերիկյան մեքենաների հիմնական գնորդ, սկսում է ավելի մեծ ծավալներով ներմուծել Մեքսիկայից։