Meta-ն ներկայացրել է նոր սերնդի խելացի ակնոց

Meta-ն իր ամենամյա Meta Connect համաժողովում ներկայացրել է նոր սերնդի խելացի ակնոց:

«Ֆեյսբուքի», «Ինստագրամի» և «Վոթսափի» սեփականատեր Meta-ն իր ամենամյա Meta Connect համաժողովում ներկայացրել է նոր սերնդի խելացի ակնոց, որը աշխատում է արհեստական բանականությամբ։

Մարկ Ցուկերբերգը, բեմ բարձրանալով Կալիֆորնիայում գտնվող ընկերության գլխամասում, հայտարարել է  աշխարհահռչակ Ray-Ban և Oakley բրենդների հետ համագործակցության մասին։ Նորույթներից մեկը Meta Ray-Ban Display մոդելն է՝ բարձր լուծաչափով ներկառուցված էկրանով, որը թույլ է տալիս օգտատերերին տեսազանգեր կատարել և հաղորդագրություններ ստանալ անմիջապես ակնոցի միջով։ Այն ունի նաև 12 մեգապիքսելանոց տեսախցիկ։ Բացի այդ, ներկայացվել է նեյրո-թևնոց, որը աշխատում է ակնոցների հետ զուգահեռ՝ հնարավորություն տալով պարզ ձեռքի շարժումներով ուղարկել հաղորդագրություններ կամ կատարել այլ գործողություններ։

Meta-ի բիզնես հաջողությունները ստվերվում են հասարակական ճնշումներով։ Նյու Յորքում՝ ընկերության կենտրոնի դիմաց, հավաքվել էին ծնողներ և ակտիվիստներ՝ պահանջելով երեխաների ավելի խիստ պաշտպանություն սոցիալական ցանցերում։ Մի քանի օր առաջ ԱՄՆ Սենատում նախկին աշխատակիցները վկայեցին, որ Meta-ն թաքցնում է հնարավոր վնասները, որոնք կարող են առաջանալ երեխաների համար VR արտադրանքներից։ Ընկերությունը բոլոր մեղադրանքները անվանել է «անհեթեթ»։