Որքան գումար է պետական բյուջեից ծախսել Մերկելը՝ 2 տարվա ընթացքում

Նույն ժամանակահատվածում Մերկելը կատարել է ինը ուղևորություն, որոնց ընդհանուր ծախսը կազմել է ավելի քան 10,000 եվրո։

Գերմանիայի Բունդեսթագի տվյալներով՝ նախկին կանցլեր Անգելա Մերկելի վարսահարդարման և դիմահարդարման ծառայությունների վրա 2024 թվականի հուլիսից մինչև 2026 թվականի մարտ ծախսվել է 64,677 եվրո պետական բյուջեից։

Նույն ժամանակահատվածում Մերկելը կատարել է ինը ուղևորություն, որոնց ընդհանուր ծախսը կազմել է ավելի քան 10,000 եվրո։

Բունդեսթագի հրապարակած տվյալների համաձայն՝ նախկին կանցլեր Օլաֆ Շոլցը կատարել է չորս ուղևորություն՝ ծախսելով ավելի քան 6,000 եվրո։

Բացի այդ, ներկայացվել են նախկին կանցլերների գրասենյակային ծախսերը։ Ըստ տվյալների՝ գրասենյակային սարքավորումների ընդհանուր արժեքը 2024 թվականի երկրորդ կեսին կազմել է 473,289 եվրո, 2025 թվականին՝ 1,443,212 եվրո, իսկ 2026 թվականի առաջին եռամսյակում՝ 408,174 եվրո։

Հրապարակված տվյալները վերաբերում են պաշտոնաթող ղեկավարների պահպանման և գործունեության կազմակերպման ծախսերին, որոնք ֆինանսավորվում են պետական բյուջեից։