Մելանյա Թրամփը սպառնում է 1 մլրդ դոլարի հայց ներկայացնել ընդդեմ Բայդենի որդու

Եթե նախկին նախագահի որդին չկատարի առաջին տիկնոջ պահանջը, նա մտադիր է դատի տալ նրան՝ պահանջելով 1 միլիարդ դոլարի փոխհատուցում:

ԱՄՆ առաջին տիկին Մելանյա Թրամփը սպառնում է 1 մլրդ դոլարի հայց ներկայացնել ընդդեմ նախկին նախագահ Ջո Բայդենի որդու՝ Հանթերի Բայդենի: Պատճառը Հանթեր Բայդենի «կեղծ և զրպարտչական» հայտարարություններն են ընդդեմ առաջին տիկնոջ՝ ֆինանսիստ Ջեֆրի Էպշտեյնի աղմկահարույց գործի հետ կապված, գրում է Fox News-ը:

Օգոստոսի 5-ին Բայդենը յութուբյան հաղորդման ժամանակ հայտարարել էր, որ Մելանյային և ԱՄՆ ապագա նախագահին ծանոթացրել է Էպշտեյնը, որը կասկածվում է մեծահարուստներին անչափահաս աղջիկներ մատակարարելու համար:

«Ահա տեսանյութում տեղ գտած կեղծ պնդումները, որոնք, ըստ էության, զրպարտություն են. «Էպշտեյնը Մելանիային ծանոթացրել է Թրամփի հետ։ Կապերը, կարծես, այնքան լայն և խորն են»», - ասվում է ԱՄՆ առաջին տիկնոջ փաստաբանի նամակում։ 

Արդյունքում, Թրամփի կնոջ ներկայացուցիչը, իր հաճախորդի անունից, պահանջել է, որ Հանթեր Բայդենը «անմիջապես հետ վերցնի իր կեղծ, զրպարտչական, նսեմացնող և սադրիչ հայտարարությունները»։

Եթե նախկին նախագահի որդին չկատարի առաջին տիկնոջ պահանջը, նա մտադիր է դատի տալ նրան՝ պահանջելով 1 միլիարդ դոլարի փոխհատուցում: