Մեկ շաբաթում Փրկարար ծառայությունում գրանցվել է 635 դեպք․ տուժել է 95, զոհվել՝ 19 մարդ

Փրկարարական գործողությունների արդյունքում հաջողվել է փրկել 5 քաղաքացու։

Հունվարի 12-ից 18-ը ՆԳՆ Փրկարար ծառայության ճգնաժամային կառավարման ազգային կենտրոնում գրանցվել է 635 դեպք, որոնցից 185-ը՝ արտակարգ։

Մասնավորապես, արձանագրվել է՝

• հրդեհի 66 դեպք,

• ճանապարհատրանսպորտային պատահարի՝ 50,

• մերկասառույցի՝ 32,

• առատ ձյան և ձնաբքի՝ 7-ական,

• զինամթերքի հայտնաբերման՝ 6,

• թունավորման, փլուզման և ինքնասպանության փորձի՝ 4-ական,

• պայթյունի, ուժեղ քամու և կենսաապահովման համակարգերում վթարի՝ 2-ական դեպք,

• ինչպես նաև դարափուլի, քարաթափման, դիակի հայտնաբերման և դժբախտ պատահարի՝ 1-ական դեպք։

Բացի այդ, գրանցվել է 194 կենցաղային կանչ, հրդեհի ծագման սպառնալիքի 32, հրդեհի կեղծ կանչի 17 և կեղծ ահազանգի 12 դեպք, ինչպես նաև 190 այլ տարբեր բնույթի միջադեպեր։

Եղանակային պայմաններով և այլ գործոններով պայմանավորված՝ հանրապետության տարբեր հատվածներում գրանցվել է տրանսպորտային միջոցների արգելափակման 167 դեպք։ Փրկարարները օգնություն են ցուցաբերել 335 քաղաքացու և անվտանգ տարածք են տեղափոխել ավտոճանապարհներին արգելափակված 192 տրանսպորտային միջոց։

Նախորդ շաբաթվա ընթացքում տուժել է 95 մարդ, զոհվել՝ 19-ը։ Փրկարարական գործողությունների արդյունքում հաջողվել է փրկել 5 քաղաքացու։