Մայիսի 13-14-ը ՀՀ ՆԳՆ ոստիկանության ստորաբաժանումների իրականացրած օպերատիվ-հետախուզական և բացատրական աշխատանքների արդյունքում հանրապետությունում բացահայտվել է հանցագործության 116 դեպք։
Բացահայտված հանցագործությունների կառուցվածքը Արձանագրված դեպքերի գերակշիռ մասը վերաբերում է տրանսպորտային ոլորտի իրավախախտումներին և սեփականության դեմ ուղղված արարքներին.
Ճանապարհային իրավախախտումներ. 38 դեպք՝ տրանսպորտային միջոց վարելու իրավունքից զրկված, կասեցված կամ այդ իրավունքը չունեցող անձանց կողմից ղեկին հայտնվելու փաստերով։
Գույքային հանցագործություններ. 10 դեպք՝ անձնական ունեցվածքի գողության, 4 դեպք՝ գույքը ոչնչացնելու կամ վնասելու, 3 դեպք՝ խարդախության, ինչպես նաև բնակարանային գողության և վստահված գույքի հափշտակման դեպքեր։
Անձի դեմ ուղղված արարքներ. 8 դեպք՝ ֆիզիկական ներգործության, 7 դեպք՝ մարմնական վնասվածք պատճառելու, 4 դեպք՝ հոգեկան ներգործության, 2 դեպք՝ շորթման, ինչպես նաև հետամտման դեպքեր։
Ապօրինի շրջանառություն և այլն. 6 դեպք՝ թմրանյութի հայտնաբերման, 2-ական դեպք՝ զենքի և զինամթերքի առգրավման, խուլիգանության, ինքնիրավչության, փաստաթղթի կեղծիքի, ծառերի ու թփերի ապօրինի հատման։
Բացահայտվել է նաև կոռուպցիոն բնույթի (կաշառք տալու, ստանալու միջնորդության), աշխատանքի պաշտպանության կանոնները խախտելու և ընտանեկան պարտավորությունները չկատարելու մի շարք դեպքեր։
Հետախուզվողների հայտնաբերում և նախկինում կատարված հանցագործություններ Ոստիկանության կողմից հայտնաբերվել է 10 հետախուզվող քաղաքացի, ևս 1-ը կամավոր ներկայացել է իրավապահներին։ Հայտնաբերվել է 1 անհետ կորած, և արձանագրվել է զենք-զինամթերքի կամավոր հանձնման 1 դեպք։ Նախկինում կատարված հանցագործություններից բացահայտվել է անձնական գույքի գողության 3 և խուլիգանության 1 դեպք։
ՃՏՊ վիճակագրություն Անցած մեկ օրվա ընթացքում հանրապետությունում արձանագրվել է 11 ավտովթար, ինչի հետևանքով 1 մարդ զոհվել է, իսկ 11-ը ստացել են տարբեր աստիճանի մարմնական վնասվածքներ։
