Մասնակի վերացվել է «Լոռվա կաթ» ՍՊԸ-ի արտադրական գործունեության կասեցումը

Սննդամթերքի անվտանգության տեսչական մարմնի ղեկավարի որոշմամբ՝ մասնակի վերացվել է «Լոռվա Կաթ» ՍՊԸ-ին պատկանող կաթնամթերքի արտադրության արտադրական գործունեության կասեցումը (Լոռու մարզ, քաղաք Տաշիր): Այս մասին տեղեկացնում է ՍԱՏՄ-ն։

Մասնավորապես՝ լաբորատոր փորձաքննությամբ փաստվել է, որ այս ապրանքանիշի «Սերուցք» արտադրատեսակը համապատասխանում է Մաքսային Միության տեխնիկական կանոնակարգերով սահմանված պահանջներին: Երևանի կենտրոնի տեսուչների ստուգման արդյունքում նաև արձանագրվել է, որ վերացվել են արտադրամասի սանիտարահիգիենիկ բնույթի բոլոր խախտումները:

Նշված ապրանքանիշի «Հատիկավոր կաթնաշոռ», «Կաթ պարունակող մթերք կաթնայուղի փոխարինիչով պատրաստված թթվասերի տեխնոլոգիայով» արտադրատեսակների արտադրությունը շարունակում է մնալ կասեցված, դրանցում հայտնաբերված անհամապատասխանությունները վերացնելու համար սահմանվել է ժամկետ: