Մարտի 30-ի բիզնես լուրերը

Ինչ է կատարվել Հայաստանի և միջազգային տնտեսական աշխարհում։

ՏԵՂԱԿԱՆ ԼՈՒՐԵՐ

ԱՄՆ վիզայի դիմորդներին տեղեկացնում են իրենց իրավունքների մասին

ՀՀ-ում ԱՄՆ դեսպանությունը հայտնում է, որ վիզայի դիմորդները նախապես ծանոթացվում են իրենց իրավունքներին՝ ներառյալ արդար վարձատրությունը, անվտանգ աշխատանքային պայմանները և բողոք ներկայացնելու ընթացակարգերը։ Քաղաքացիներին կոչ է արվում կարդալ Ուիլբերֆորսի տեղեկատվական գրքույկը։

Հայաստանում կստեղծվի AI խոշոր տվյալների կենտրոն

Bloomberg-ը անդրադարձել է Firebird AI տվյալների կենտրոնի նախագծին Հայաստանում։ Այն իրականացվում է Nvidia և Dell Technologies ընկերությունների հետ համագործակցությամբ և նպատակ ունի զարգացնել ԱԲ ենթակառուցվածքները Հայաստանում։

ԱՄՀ-ի հետ քննարկվել են տնտեսական քաղաքականությունները

Ֆինանսների նախարարությունում քննարկվել են ԱՄՀ-ի հետ համագործակցության ուղղությունները, այդ թվում՝ տնտեսական և ֆինանսական քաղաքականությունների հուշագրի նախագիծը և կառուցվածքային բարեփոխումները։

Հայաստանը մեծացնում է ջրի արտահանումը

Վերջին երեք տարում Հայաստանը արտահանել է ավելի քան 88 մլն լիտր խմելու ջուր՝ 29 երկրներ։ Արտահանման աշխարհագրությունը շարունակում է ընդլայնվել։

3 օրում բացահայտվել է 232 հանցագործություն

Մարտի 27–30-ը բացահայտվել է 232 հանցագործություն։ Ամենատարածվածները եղել են ճանապարհային խախտումները, ֆիզիկական ներգործությունը և թմրանյութերի հետ կապված դեպքերը։

ՄԻՋԱԶԳԱՅԻՆ ԼՈՒՐԵՐ

Մերձավոր Արևելքում նավթային նոր կոնսորցիումի գաղափար

Թուրքիան, Եգիպտոսը և Սաուդյան Արաբիան քննարկում են նավթային կոնսորցիում ստեղծելու հնարավորությունը՝ Հորմուզի նեղուցով փոխադրումները համակարգելու համար։

Եգիպտոսում սահմանափակումներ՝ էներգետիկ ճգնաժամի պատճառով

Խանութներն ու ռեստորանները մեկ ամիս շարունակ կփակվեն մինչև 21:00՝ էներգակիրների թանկացման հետևանքները մեղմելու նպատակով։

Իրանի հետ պատերազմը կարող է ԱՄՆ-ին արժենալ ավելի քան $1 տրիլիոն

New York Times-ի գնահատմամբ՝ երկարաժամկետ ծախսերը, ներառյալ սոցիալական ապահովումը և բուժսպասարկումը, կարող են գերազանցել 1 տրիլիոն դոլարը։

G7-ը կարող է չհամաձայնել էներգետիկ ճգնաժամի շուրջ

Politico-ի տվյալներով՝ G7 երկրների միջև չկա միասնական մոտեցում էներգետիկ ճգնաժամի հաղթահարման հարցում, ինչի հետևանքով երկրները գործում են առանձին քաղաքականություններով։