Լուկաշենկոն Մինսկում հանդիպում է ունեցել ԱՄՆ նախագահի ներկայացուցիչ Ջոն Քոուլի հետ

Բելառուսի նախագահ Ալեքսանդր Լուկաշենկոն Մինսկում հանդիպում է ունեցել ԱՄՆ նախագահի ներկայացուցիչ Ջոն Քոուլի հետ: Կողմերը քննարկել են Բելառուսում բանտարկված քաղաքական գործիչների ազատ արձակման հարցը։

«Մենք կողմ չենք, որ այդ մարդիկ լինեն ուղղիչ գաղութներում։ Առավել ևս նրանք քաղաքականության համար չեն դատապարտված։ Մենք նման հոդվածներ չունենք քրեական օրենսգրքում։ Եթե Թրամփը հետաքրքրված է, մենք կարող ենք յուրաքանչյուր մարդու համար ներկայացնել իր իրավախախտումների և հանցագործությունների էությունը»,- ասել է Լուկաշենկոն:

Միևնույն ժամանակ, Լիտվայի նախագահ Գիտանաս Նաուսեդան հայտարարել է, որ Բելառուսի իշխանություններն ազատ են արձակել տարբեր ազգությունների 52 բանտարկյալի՝ ԱՄՆ-ի հետ գործարքի շրջանակում. նրանք գտնվում են Լիտվայի տարածքում։

Ազատ արձակվածների թվում կան Լիտվայի, Մեծ Բրիտանիայի, Լատվիայի, Լեհաստանի, Գերմանիայի և Ֆրանսիայի քաղաքացիներ: Ավելի վաղ ԱՄՆ նախագահ Դոնալդ Թրամփը Բելառուսի նախագահ Ալեքսանդր Լուկաշենկոյին կոչ էր արել ազատ արձակել քաղբանտարկյալներին: