Հայաստանի Կառավարության հոկտեմբերի 8-ի նիստում որոշում է ընդունվել լրացուցիչ 7,6 միլիարդ դրամ (ավելի քան 21,1 միլիոն դոլար) հատկացնել ՄԱԿ-ի «Կենսաբանական բազմազանության մասին» կոնվենցիայի Կողմերի 17-րդ համաժողովի (COP17) կազմակերպման և անցկացման նպատակով:
Ինչու է դա կարևոր. Հատկացված միջոցները հնարավորություն կտան ապահովել միջազգային խոշորագույն բնապահպանական համաժողովի պատշաճ ենթակառուցվածքներն ու կազմակերպչական ծառայությունները:
Ֆինանսավորման աղբյուրն ու ուղղությունը.
Ֆինանսավորման աղբյուր. Միջոցները տրամադրվել են ՀՀ Կառավարության պահուստային ֆոնդից:
Նպատակային ուղղվածություն. Գումարն ուղղվելու է միջոցառման անցկացման վայրում «Կապույտ գոտու» (Blue Zone) կազմակերպչական ծառայությունների ձեռքբերմանը:
