Լուվրի թանգարանում վնասվել են հարյուրավոր գրքեր՝ ջրի արտահոսքի պատճառով

Այս կազմված գրքերը թվագրվում են 19-րդ դարի վերջից մինչև 20-րդ դարի սկիզբ:

Փարիզի Լուվրի թանգարանի գրադարանի եգիպտական ​​հնությունների բաժնից ջրի արտահոսքի պատճառով վնասվել են հարյուրավոր գրքեր և այլ փաստաթղթեր, հաղորդել է NBC News-ը։

«Արտահոսքի պատճառով վնասվել է 300-ից 400 ստեղծագործություն», - ասել է թանգարանի գլխավոր ադմինիստրատորի տեղակալ Ֆրենսիս Սթեյնբոքը:

Նրա խոսքով՝ դրանք եգիպտագիտական ​​​​ամսագրեր և գիտական ​​​​փաստաթղթեր են, որոնք օգտագործում են հետազոտողները: Այս կազմված գրքերը թվագրվում են 19-րդ դարի վերջից մինչև 20-րդ դարի սկիզբ:

«Մեր մշակութային ժառանգության մաս կազմող ոչ մի գիրք չի վնասվել: Դրանք չափազանց օգտակար և հաճախ օգտագործվող փաստաթղթեր են, բայց բոլորովին էլ եզակի չեն աշխարհում: Դրանք կչորանան, մենք կուղարկենք կազմարարարի մոտ վերականգնման համար, ապա կվերադարձվեն իրենց տեղը», - նշել է թանգարանի ներկայացուցիչը:

Tribune de l'Art-ը նախկինում հաղորդել էր, որ նոյեմբերի 26-ին աշխարհի ամենահայտնի թանգարաններից մեկում ջրի արտահոսք է եղել։ Այժմ սա պաշտոնապես հաստատվել է։