L'Oréal-ը ձեռք է բերել Kering Beauté-ն․ որքան է կազմել թանկարժեք գործարքը

Նախատեսվում է նաև Gucci ապրանքանիշի համար 50-ամյա լիցենզիայի գործարկում՝ գործող պայմանագրի ավարտից հետո։

Ֆրանսիական L'Oréal ընկերությունը հայտարարել է Kering Beauté ստորաբաժանման ձեռքբերման գործարքի ավարտի մասին՝ 4 միլիարդ եվրո արժեքով։

Գործարքը հանդիսանում է ընկերության պատմության մեջ ամենախոշորը և ուղղված է շքեղ կոսմետիկայի պորտֆելի ընդլայնմանը։

Գործարքի արդյունքում L'Oréal-ը ձեռք է բերել Kering Beauté-ի ամբողջական վերահսկողությունը, այդ թվում՝ House of Creed օծանելիքի ապրանքանիշը։

Բացի այդ, ընկերությունը ստացել է Balenciaga և Bottega Veneta ապրանքանիշերի կոսմետիկայի և օծանելիքի մշակման, արտադրության և բաշխման բացառիկ 50-ամյա լիցենզիաներ։

Նախատեսվում է նաև Gucci ապրանքանիշի համար 50-ամյա լիցենզիայի գործարկում՝ գործող պայմանագրի ավարտից հետո։

Գործարքը տեղի է ունենում Kering-ի եկամուտների նվազման ֆոնին, ինչը վկայում է բիզնեսի վերակազմակերպման և ակտիվների վերադասավորման գործընթացի մասին։