Լիբանանի իշխանությունները չեղարկել են Իրանի դեսպանի հավատարմագրումը և նրան հայտարարել պերսոնա նոն գրատա։
Այս մասին հայտնել է Լիբանանի արտաքին գործերի նախարարությունը։
Հաղորդագրության համաձայն՝ Բեյրութում Իրանի գործերի ժամանակավոր հավատարմատար Թուֆիկ Սամադի Խոշխուին փոխանցվել է, որ Իրանի նշանակված դեսպան Մոհամմադ Ռեզա Շիբանին պետք է լքի երկիրը ոչ ուշ, քան 2026 թվականի մարտի 29-ը։
Լիբանանի իշխանությունները այս որոշումը հիմնավորել են դիվանագիտական նորմերի խախտմամբ։
Նույն համատեքստում Լիբանանը նաև խորհրդակցությունների համար հետ է կանչել Իրանում իր դեսպան Ահմադ Սուվեյդանին։
Պաշտոնական Բեյրութը հայտարարել է, որ Թեհրանը խախտել է երկու երկրների միջև գործող դիվանագիտական կանոններն ու հարաբերությունների շրջանակը։
Այս քայլը վկայում է Լիբանան-Իրան հարաբերությունների լարվածության նոր փուլի մասին։
