Հայտնի են քիմիայի ոլորտում Նոբելյան մրցանակակիրները

2025 թվականի քիմիայի Նոբելյան մրցանակի դափնեկիրները ստեղծել են մոլեկուլային կառուցվածքներ։

Շվեդիայի գիտությունների թագավորական ակադեմիան որոշել է 2025 թվականի քիմիայի Նոբելյան մրցանակը շնորհել Սուսումու Կիտագավային, Ռիչարդ Ռոբսոնին և Օմար Յաղիին՝ «մետաղ-օրգանական կառուցվածքների մշակման համար»։

2025 թվականի քիմիայի Նոբելյան մրցանակի դափնեկիրները ստեղծել են մոլեկուլային կառուցվածքներ՝ մեծ տարածություններով, որոնց միջով կարող են հոսել գազեր և այլ քիմիական նյութեր։ 

Այս հայտնագործությունը թույլ կտա մաքրել ջուրը թունավոր քիմիկատներից, ներծծել ածխաթթու գազը մթնոլորտից, հեռացնել դեղորայքի մնացորդները շրջակա միջավայրից և նույնիսկ հավաքել ջուր անապատի օդից։