ՀՀ արդարադատության նախարարի տեղակալ Օկսաննա Աբրահամյանը հանդիպել է Համաշխարհային բանկի առաքելության ներկայացուցիչների հետ: Հանդիպման ընթացքում ամփոփվել են «Պետական հատվածի արդիականացման 4-րդ ծրագրի» (PSMP4) շրջանակում իրականացվող նախագծերի արդյունքներն ու հետագա առաջնահերթությունները:
Ինչու է դա կարևոր. Հայաստանի արդարադատության ոլորտում իրականացվում է լայնամասշտաբ թվային տրանսֆորմացիա, որի շրջանակում գրանցվել է զգալի առաջընթաց մի շարք առանցքային էլեկտրոնային համակարգերի մշակման և արդիականացման ուղղությամբ:
Արձանագրված առաջընթացը և ապագա ծրագրերը.
Գործարկվող համակարգեր.
Էլեկտրոնային քրեակատարողական համակարգի (e-Penitentiary) մշակման մեկնարկ,
Էլեկտրոնային նոտարիատի (e-Notary) նոր համակարգի մշակում,
Իրավաբանական անձանց պետական ռեգիստրի հետագա բարելավում:
Ապագա առաջնահերթությունները.
Միասնական դատական կառավարման և արխիվային համակարգերի բարեփոխում,
Արհեստական բանականության (AI) գործիքների ինտեգրում արդարադատության տարբեր ուղղություններում,
Ինստիտուցիոնալ կարողությունների զարգացում և մասնագիտական հմտությունների կատարելագործում:
