Քիմ Քարդաշյանի և Քանյե Ուեսթի դուստրը թողարկում է իր սեփական ապրանքանիշը՝ NOR11-ը

Ապրանքանիշի գրանցման համար արդեն ներկայացվել է երեք հայտ:

Քիմ Քարդաշյանի և Քանյե Ուեսթի 12-ամյա դուստրը՝ Նորթ Ուեսթը, պատրաստվում է իր առաջին լուրջ քայլը կատարել նորաձևության ոլորտում։ The Sun-ի տվյալներով՝ նա թողարկում է հագուստի և զարդերի սեփական ապրանքանիշը՝ NOR11 անունով։

Ապրանքանիշի գրանցման համար արդեն ներկայացվել է երեք հայտ՝ տարբեր կատեգորիաներով։ Դրանք ներառում են հագուստ և աքսեսուարներ (զգեստներ, կոշիկներ, գլխարկներ, գուլպաներ), ժամացույցներ և զարդեր (ապարանջաններ, վզնոցներ, ականջօղեր, մատանիներ), ինչպես նաև պայուսակներ և այլ աքսեսուարներ՝ ձեռքի պայուսակներից մինչև կոսմետիկ պայուսակներ։

NOR11 անվանումը, ենթադրաբար, կազմված է Նորթի անվան առաջին երեք տառերից և այն տարիքից, երբ նա մտահղացել է ապրանքանիշի գաղափարը։ Դիմումները ներկայացվել են KimYe's Kid Inc. անվամբ կալիֆոռնիական ընկերության կողմից, որը հիմնադրվել է 2023 թվականի օգոստոսին։ Չնայած անվան մեջ երկու ծնողների հիշատակմանը, նահանգային գրառումներում Քիմ Քարդաշյանը նշված է որպես ընկերության միակ պաշտոնատար անձ։

Վերջերս Նորթին նկատել էին Նյու Յորքում՝ գնումներ կատարելիս։ Նա հայտնվել էր ՍոՀո թաղամասում գտնվող Alexander Wang խանութում՝ նեոնային կապույտ երկար մազերով և 795 դոլար արժողությամբ Balenciaga-ի մեծ չափսի մարզաշապիկով։ Նրա կերպարը լրացնում էին լայն մարզաշապիկն ու սև մորթե ձմեռային կոշիկները։

Ըստ աղբյուրների՝ Նորթի համար նորաձևությունը պարզապես ոճային խաղ չէ, այլ ապագա կարիերայի մի մաս։