«Կենդանիների դիմակահանդես-շքերթ» միջոցառման ընթացքում Երևանի որոշ ճանապարհահատվածներ ժամանակավորապես փակ կլինեն

«Արևորդի» 13-րդ միջազգային բնապահպանական փառատոնի շրջանակներում սեպտեմբերի 28-ին կանցկացվի «Կենդանիների դիմակահանդես-շքերթ» միջոցառումը։

Ինչպես տեղեկացրին Երևանի քաղաքապետարանից, շքերթին կմասնակցեն շուրջ 400-500 դպրոցահասակ երեխաներ՝ վտանգված և կարմիրգրքյան տարբեր կենդանատեսակների հագուստներով և բնապահպանական կոչեր ունեցող ցուցանակներով:  

«Շքերթի անցկացման համար նախատեսված ուղին ժամանակավորապես փակ կլինի երթևեկության համար:

«Միջոցառման երթուղին.

- մասնակիցների հավաքման վայրը և ժամը. Ստեփան Շահումյանի հրապարակ, Ս․ Շահումյանի արձանի մոտ 12:00-ին։

- Շքերթի  մեկնարկը՝ ժ. 12:30-ն՝ վերոնշյալ վայրից։

- Ս․ Շահումյանի հրապարակից շքերթը կշարժվի դեպի Ս․ Շահումյանի պուրակ՝ քայլելով 

դեպի Հանրապետության հրապարակ։

- Հանրապետության հրապարակում շքերթը կանի երկու շրջապտույտ և, հատելով 

Աբովյան փողոցը, կուղղորդվի դեպի Հյուսիսային պողոտա։

- Քայլելով Հյուսիսային պողոտայի ողջ երկայնքով՝ շքերթը կհատի Թումանյան փողոցը՝ 

շարժելով դեպի Ազատության հրապարակ։

- Ազատության հրապարակը կլինի վերջին կանգառը, որտեղ տեղի կունենա մինչև 30 րոպե 

տևողությամբ համերգային ելույթ, որով միջոցառումը կամփոփվի։

- Միջոցառման նախատեսված ավարտը՝ ժ. 15:00-ին»,- ասվում է հաղորդագրության մեջ։