ԿԲ-ն ներդնում է միջազգային ստանդարտներին համահունչ պայմանագիր

ASDA-ն, կարող է կիրառվել ռեպո, ածանցյալ և արժեթղթերի փոխառության գործարքների համար։

Կենտրոնական բանկը, Վերակառուցման և Զարգացման Եվրոպական Բանկի (ՎԶԵԲ) տեխնիկական աջակցությամբ և Ճապոնիայի կառավարության ֆինանսական աջակցությամբ ներդնում է հայկական իրավունքով կարգավորվող և միջազգային ստանդարտներին համահունչ պայմանագիր՝ Armenian Standard Derivatives Agreement (ASDA), որը կարող է կիրառվել ռեպո, ածանցյալ և արժեթղթերի փոխառության (securities lending) գործարքների համար։

ASDA ստանդարտ պայմանգիրը համահունչ է միջազգային լավագույն պրակտիկային և հարմարեցված է Հայաստանի օրենսդրական պահանջներին։ Փաստաթուղթը մշակվել է՝ հիմք ընդունելով 2002 թվականի ISDA (International Swaps and Derivatives Association) գլխավոր համաձայնագիրը, ինչպես նաև 2022 թվականին ներդրված ISDA արժեթղթերի ֆինանսավորման գործարքների հավելվածը։

ASDA պայմանագիրը

•  ճկուն է․ կարող է կարգավորվել ինչպես հայկական, այնպես էլ օտարերկրյա օրենսդրությամբ։

•  ունիվերսալ է․ կիրառելի է ռեպո, ածանցյալ և արժեթղթերի փոխառության գործարքների համար։

•  որակյալ է․ ապահովում է հստակություն, կանխատեսելիություն և վստահություն կողմերի համար՝ լինելով գլոբալ ճանաչում ունեցող և միջազգային ստանդարտներին համահունչ պայմանագրի օրինակ:

Ներդրվող ստանդարտ պայմանագիրը ֆինանսական շուկայի մասնակիցներին կարող է ընձեռել հետևյալ առավերությունները.

•  կօգնի արդյունավետ կերպով զսպել ֆինանսական ռիսկերը,

•  կկրճատի գործարքների համաձայնեցման երկարատև ու բարդ գործընթացները,

•  կնվազեցնի անհատական պայմանագրերի պայմանների համաձայնեցմամբ պայմանավորված լրացուցիչ իրավաբանական ծախսերը,

•  կապահովի իրավական հստակություն և կանխատեսելիություն,

•  կհեշտացնի միջազգային գործընկերների հետ վստահելի և լայնածավալ գործարքների իրականացումը։

Պայմանագրերի օրինակների և մանրամասների համար՝ https://www.cba.am/hy/press-releases/9056/