Ղազախստանը՝ ԱՊՀ-ում առաջատար մեկ շնչի հաշվով ՀՆԱ-ով. Հայաստանը երրորդն է

Ղազախստանի առաջանցումը պայմանավորված է էներգակիրների արտահանման աճով

Արժույթի միջազգային հիմնադրամի (ԱՄՀ) տվյալներով՝ 2025 թվականին Ղազախստանն առաջին անգամ գերազանցել է Ռուսաստանին մեկ շնչի հաշվով համախառն ներքին արդյունքի ցուցանիշով՝ հասնելով 14,7 հազար ԱՄՆ դոլարի։ Ռուսաստանում այս ցուցանիշը կազմել է 14,6 հազար դոլար։ 

ԱՊՀ երկրների շարքում Հայաստանը երրորդն է՝ 8,86 հազար դոլար ցուցանիշով։ Չորրորդ տեղում Մոլդովան է՝ 8,26 հազար դոլարով, ապա՝ Բելառուսը (7,88 հազար), Ադրբեջանը (7,6 հազար), Ուզբեկստանը (3,5 հազար), Ղրղզստանը (2,7 հազար) և Տաջիկստանը (1,43 հազար)։

Վերլուծաբանների գնահատմամբ, Ղազախստանի առաջանցումը պայմանավորված է էներգակիրների արտահանման աճով և ներդրումային ակտիվությամբ, մինչդեռ Ռուսաստանի տնտեսության վրա շարունակում են ազդել միջազգային պատժամիջոցներն ու տնտեսական սահմանափակումները։

Աղբյուրը` Газета.Ru