ՀՀ վիճակագրական կոմիտեի հրապարակած տվյալների համաձայն՝ 2026 թվականի հունվար-օգոստոս ամիսներին Հայաստանում կաթնամթերքի արտադրության ոլորտում արձանագրվել են տարամիտված միտումներ։ Թեև վերամշակված կաթնամթերքի (կարագ, կաթնաշոռ, մածուն, պանիր) արտադրության ծավալները զգալի աճ են գրանցել, խմելու կաթի արտադրությունն էապես նվազել է։
Ինչու է դա կարևոր. Ցուցանիշները վկայում են կաթնամթերքի վերամշակման ճյուղում ավելացված արժեք առաջացնող արտադրատեսակների (կարագ, պանիր, թթվասեր) նկատմամբ պահանջարկի և արտադրական հզորությունների աճի մասին։
Արտադրության ցուցանիշները հունվար-օգոստոսին.
Պանիր. Արտադրվել է 19,135.6 տոննա (աճը 2025 թ. համեմատ՝ 6.9%)։
Կարագ. Ծավալները կազմել են 2,216.7 տոննա (աճը՝ 28.1%)։
Կաթնաշոռ. Արտադրվել է 2,493.3 տոննա (աճը՝ 27.5%)։
Մածուն. Ծավալները հասել են 8,642.8 տոննայի (աճը՝ 18.9%)։
Թթվասեր. Արտադրվել է 5,146.9 տոննա (աճը՝ 3.7%)։
Կաթ. Արտադրությունը նվազել է 30.4%-ով՝ կազմելով 8,402.9 տոննա։
Պաղպաղակ. Արտադրությունը նվազել է 2%-ով՝ կազմելով 10,121.6 հազար լիտր։
