ՀՀ կառավարությունը մայիսի 21-ի հերթական նիստում հավանություն է տվել «Ծանր մեքենաշինության ոլորտների զարգացման բնագավառում ԱՊՀ երկրների համագործակցության մասին» համաձայնագրին։
Իրավական հիմքերը և նպատակը Այս անդրպետական փաստաթուղթը ստորագրվել է 2025 թվականի հունիսի 5-ին։ Այն նպատակաուղղված է տվյալ ոլորտում ներգրավված ԱՊՀ անդամ պետությունների ձեռնարկությունների միջև փոխշահավետ և արդյունավետ գործակցության համար բարենպաստ պայմանների ստեղծմանը։
Գործադիրի ընդունած որոշման հիմնավորման մեջ նշվում է.
«Համաձայնագրի նպատակն է զարգացնել ծանր մեքենաշինության ճյուղերի արդյունաբերական արտադրությունը՝ կոոպերացիայի ծավալների աճի, արտադրական նոր տեխնոլոգիաների ներդրման, ռեսուրսների խնայողության և էկոլոգիական անվտանգության ապահովման, ինչպես նաև նշված ոլորտների արտադրանքի մրցունակության բարձրացման միջոցով»։
Ակնկալվող արդյունքները Ըստ Կառավարության կանխատեսումների՝ համաձայնագրի իրագործումը գործնական հարթակ կձևավորի շահագրգիռ պետական մարմինների, արդյունաբերական ձեռնարկությունների և մասնագիտացված կազմակերպությունների ուղիղ երկխոսության համար: Սա հնարավորություն կտա արտադրական գործընթացներում ներդնել ու կիրառել արդի գիտատեխնիկական նվաճումները, ինչպես նաև ապահովել պատրաստի արտադրանքի առաջմղումն ընդհանուր շուկաներում։
