ՀՀ կառավարությունը մայիսի 14-ի նիստում որոշում է կայացրել փոփոխել Ազգային անվտանգության ծառայության (ԱԱԾ) լրացուցիչ ֆինանսավորման առավելագույն մակարդակը։ Ըստ ընդունված նախագծի՝ նախկինում սահմանված 3.7% շեմը հասցվել է 7.7%-ի։
3.5 մլրդ դրամի լրացուցիչ հատկացման անհրաժեշտությունը ԱԱԾ նախնական բյուջեն ընթացիկ տարվա համար սահմանվել էր 61.6 մլրդ դրամ (շուրջ 162 մլն դոլար)։ Նախկին կանոնակարգերով՝ կառույցը տարվա ընթացքում կարող էր լրացուցիչ ստանալ առավելագույնը 1.23 մլրդ դրամ։
Սակայն, ինչպես նշվում է որոշման հիմնավորման մեջ, փաստացի անհրաժեշտություն է առաջացել հատկացնել գրեթե երեք անգամ ավելի՝ 3.5 մլրդ դրամ (9.2 մլն դոլար)։ Ֆինանսական գերակշիռ պահանջարկն էլ հանդիսացել է սահմանաչափի շեմը կրկնակիից ավելի բարձրացնելու հիմնական պատճառը։
