Ջրային պարեկները 29-ամյա վարորդի մեքենայում 197 կգ-ից ավել ձուկ են հայտնաբերել

Կազմված փաստաթղթերը ներկայացվել են նախաքննական մարմին։

Պարեկային ծառայության Գեղարքունիքի մարզի գումարտակի ջրային պարեկները դեկտեմբերի 26-ին Ծովագյուղ–Շորժա–Վարդենիս ավտոճանապարհի 34-րդ կիլոմետր հատվածում ստուգման նպատակով կանգնեցրել են «Օպել» մակնիշի ավտոմեքենա։

Ստուգման ընթացքում մեքենայի սրահում և բեռնախցիկում հայտնաբերվել են ընդհանուր 196 կգ քաշով «սիգ» տեսակի 422 ձուկ, ինչպես նաև 16 փաթեթով այլ ձկնատեսակներ։

29-ամյա վարորդը հայտնել է, որ ձկները ձեռք է բերել Վարդենիս համայնքում՝ անծանոթ քաղաքացուց։ Տվյալների համաձայն՝ վարորդը ձերբակալվել է և ավտոմեքենայի հետ միասին տեղափոխվել Համայնքային ոստիկանության Ճամբարակի բաժին։

Կազմված փաստաթղթերը ներկայացվել են նախաքննական մարմին։