Հունվար-հուլիսին Հայաստանում շինարարության աճը կազմել է 20.2 տոկոս

Իրականացվել է 293 մլրդ 301.8 մլն դրամի շինարարություն:

Հունվար-հուլիսին, նախորդ տարվա նույն ժամանակահատվածի համեմատ,  Հայաստանում շինարարության աճը կազմել է 20.2 տոկոս. իրականացվել է 293 մլրդ 301.8 մլն դրամի շինարարություն:

Վիճակագրական կոմիտեի տվյալներով, կազմակերպությունների միջոցներով իրականացվել է ընդհանուր շինարարության 46.4 տոկոսը՝ 136 մլրդ 46.3 մլն դրամ:

Հաշվետու ժամանակահատվածում բնակչության միջոցներով իրականացված շինարարության ծավալն աճել է 16.4 տոկոսով՝ կազմելով 73 մլրդ 345.3 մլն դրամ, իսկ պետբյուջեի միջոցներով շինարարության աճը կազմել է 30.9 տոկոս՝ 71 մլրդ 319.2 մլն դրամ:

Շինարարության ցուցանիշում ամենափոքրը օտարերկրյա ներդրողների միջոցոներով իրականացված շինարարության ծավալն է՝ 1 մլրդ 26.4 մլն դրամ: