Հունվարի 19-ի կարևոր լուրերը

Ինչ է կատարվել Հայաստանում և աշխարհում

ԻՍՊԱՆԻԱՅՈՒՄ ԳՆԱՑՔԱՅԻՆ ԽՈՇՈՐ ՎԹԱՐ

• Իսպանիայի Կորդովա նահանգում երկու արագընթաց գնացքների ռելսերից դուրս գալու հետևանքով զոհվել է 39 մարդ, մոտ 75-ը՝ վիրավորվել։
• Գնացքում եղել է 317 ուղևոր։
• Տրանսպորտի նախարարը վթարը որակել է չափազանց տարօրինակ՝ նշելով, որ այն տեղի է ունեցել 2025-ին վերանորոգված հատվածում, իսկ գնացքը եղել է մոտ 4 տարեկան։

ԾԱՆՈՒՑՈՒՄ ԱՄՆ ՎԻԶԱՅԻ ԴԻՄՈՐԴՆԵՐԻ ՀԱՄԱՐ

• ՀՀ-ում ԱՄՆ դեսպանատունը զգուշացնում է, որ հարցազրույցի օրը կարող է չեղարկվել, եթե դիմումում առկա են սխալ կամ կեղծ տվյալներ։
• Խորհուրդ է տրվում խուսափել տուրիստական գործակալների և երրորդ կողմերի միջամտությունից։
• Դիմումի տվյալների ճշգրտության ամբողջ պատասխանատվությունը կրում է դիմորդը։

ԱՆՏԱՌԱՅԻՆ ՀՐԴԵՀՆԵՐ ՉԻԼԻՈՒՄ

• Չիլիի կենտրոնական և հարավային շրջաններում բռնկված հրդեհների հետևանքով զոհվել է առնվազն 18 մարդ։
• Մոխրացել են հազարավոր հեկտարներ, մոտ 50 հազար մարդ լքել է իր տունը։
• Երկրի նախագահը հայտարարել է աղետի դրություն։

ՄԻԼԻՏԱՐ ԳՈՐԾՈՂՈՒԹՅՈՒՆՆԵՐ ՍԻՐԻԱՅՈՒՄ

• Սիրիայի անցումային կառավարության զորքերը հարձակումներ են իրականացնում քրդական ուժերի դիրքերի վրա հյուսիսում և արևելքում։
• Թուրքիայի աջակցությամբ գրավվել են Հալեպի քրդաբնակ շրջաններ, ինչպես նաև Տաբկա քաղաքն ու Եփրատի կարևոր ենթակառուցվածքները։

ԱՐՏԱԴՐԱԿԱՆ ԿԱՆԵՓԻ ԼԻՑԵՆԶԻԱՆԵՐ ՀԱՅԱՍՏԱՆՈՒՄ

• Հայաստանում արտադրական կանեփի լիցենզիա ունի 2 ընկերություն, սակայն գործում է միայն մեկը։
• 2021-ից ի վեր հայտ է ներկայացրել 16 ընկերություն, որոնց մեծ մասի գործունեությունը դադարեցվել է։

ՀԱՅԱՍՏԱՆ–ՀՆԴԿԱՍՏԱՆ ՌԱԶՄԱՏԵԽՆԻԿԱԿԱՆ ԳՈՐԾԱԿՑՈՒԹՅՈՒՆ

• Հնդկաստանը Հայաստան է արտահանել «Pinaka» կառավարվող հրթիռների առաջին խմբաքանակը։
• Հայաստանի կողմից հնդկական զենքի գնումների ծավալը հասել է շուրջ 600 մլն դոլարի։
• Գործակցությունը դիտարկվում է որպես պաշտպանական համակարգի արդիականացման կարևոր ուղղություն։

«ՄԻՋԻՆ ՄԻՋԱՆՑՔ» ՆԱԽԱԳԻԾԸ ՎՐԱՍՏԱՆՈՒՄ

• Վրաստանը նախատեսում է 2026-ին ավարտել Հայաստանը և Ադրբեջանը Թուրքիային կապող ճանապարհների շինարարությունը։
• Կավարտվեն դեպի սահմաններ տանող առանցքային ավտոճանապարհային հատվածները և Բաթումի–Սարփի ճանապարհը։